Ferð sveitarfélaganna um stafrænan ólgusjó
Uppbygging og skipulag samstarfs sveitarfélaga í stafrænum ólgusjó hefur verið reynsluríkt ferðalag. Fyrirlesturinn fjallar um hlutverk stafræns ráðs samstarfsins, stafræns umbreytingateymis hjá Sambandi íslenskra sveitarfélaga og faghóps um stafræna umbreytingu, ásamt reynslu og lærdómi undirbúnings-, uppgötvunar-, þróunar- og innleiðingarfasa í stafrænu umbreytingaverkefni með marga hagsmunaraðila, framkvæmdaaðila auk margra innri og ytri notenda. Í undirbúningi ferðar felst gifturík heimkoma.
Björgvin Sigurðsson, Samband íslenskra sveitarfélaga
Verkefnastjóri í stafrænu umbreytingateymi
Ferilskrá (BIO)
Björgvin hefur starfað að fjölbreyttum verkefnum í upplýsingatækni í 25 ár. Hann hefur starfað hjá hinu opinbera, í fjármála- og einkageirum ásamt því að hafa unnið að hugbúnaðarþróun fyrir alþjóða stofnanir. Hann hefur fjölbreytta reynslu í rekstri upplýsingakerfa, stjórnun og þróun hugbúnaðar. Björgvin er með BA próf í sagnfræði frá Háskóla Íslands og próf í kerfisfræði frá Háskólanum í Reykjavík. Hann starfar nú sem vöru- og verkefnisstjóri í stafrænu umbreytingateymi við að koma á stafrænu samstarfi sveitarfélaga.
