Lærum með gervigögnum
Gögn eru allt í kringum okkur. Þeim er safnað af miklum hraða og geta nýst við nýsköpun og þróun nýrrar tækni, líkt og gervigreindar til að styðja við okkur í leik og starfi. Það er hins vegar áskorun að við getum ekki alltaf deilt gögnunum út frá sjónarhorni persónuöryggis. Í þessum fyrirlestri verða kynntar aðferðir til þess að nýta gögn með því að búa til öruggari útgáfu af þeim og þær áskoranir sem fylgja þessu nýja rannsóknarsviði.
Ásta Lára Magnúsdóttir, TNO
Rannsakandi og forritari
Ferilskrá (BIO)
Fyrirlesari kláraði meistaragráðu á sviði netöryggis við TU Delft í Hollandi. Þar áður stundaði hún nám við Háskóla Íslands í Hugbúnaðarverkfræði. Frá útskrift hefur hún starfað við rannsóknir á sviði öryggis og persónuverndar í gervigreind. Aðal áhersluefnin eru aðferðir til þess að byggja betri gervigreindarmódel án þess að deila viðkvæmum gögnum milli þátttakenda í þjálfuninni.
