Nýtum gögnin betur: snjallar aðferðir í gervigreindarþróun
Skortur á fjölbreyttum gögnum til þjálfunar á tauganetslíkönum er stór áskorun þegar kemur að þróun máltæknilausna fyrir lítil tungumál eins og íslensku. Í þessum fyrirlestri skoðum við nýstárlegar og sjálfvirkar leiðir til þess að fá sem mest út úr fyrirliggjandi gögnum, hvort sem um er að ræða tal- eða textagögn. Þá förum við yfir raunverulegt dæmi um hvernig búa má til verðmæt gögn frá grunni með hjálp spunagreindar.
Linda Heimisdóttir
Linda Heimisdóttir er framkvæmdastjóri Miðeindar sem er hugbúnaðarfyrirtæki á sviði máltækni og gervigreindar. Linda er með doktorspróf í málvísindum frá Cornell háskóla í Bandaríkjunum og starfaði um árabil sem verkefnastjóri og verkefnastofnstjóri (e. Program Manager) í máltæknigeiranum þar vestra áður en hún gekk til liðs við Miðeind í ársbyrjun 2023.
