Prófanir í heimi spunagreindar
Það er þekkt vandamál hversu erfitt er að þróa gervigreindarlausnir sem skapa virði. Síðustu ár hafa þróast aðferðir til að takast á við nýjar áskoranir. Hugbúnaður sem nýtir spunagreind, líkt og allur annar hugbúnaður, krefst prófana áður en hann er gerður aðgengilegur notendum. Hvernig er hægt að prófa hugbúnað þar sem inntakið - skilaboð notandans - getur verið gríðarlega fjölbreytt og útkoma hugbúnaðarins er tilviljunum háð? Þetta gerir það að verkum að hefðbundnar aðferðir í hugbúnaðargerð eins og einingarprófanir virka illa. Þessi kynning fjallar um aðferðafræði sem hefur reynst árangursrík við þróun hugbúnaðarlausna sem hugsa með spunagreind.
Fyrirlesari hefur unnið sem sérfræðingur í gervigreind og gagnavísindum hjá DataLab undanfarin tvö ár og fyrir það sem verktaki á sama sviði. Hefur unnið að þróun og innleiðingu fjölbreyttra sérsmíðaðra gervigreindar- og spunagreindarlausna fyrir ýmsa aðila á íslenskum markaði.
