Þessi síða notar kökur (e. cookies) til að auðvelda þér að vafra um vefinn.

 

 

Almennar upplýsingar um sýningaraðild 
á ráðstefnu UTmessunnar 25. maí

Hér til hliðar er listi yfir öll fyrirtækin sem eru staðfest á sýningarsvæðinu og hér eru myndir af Grand hóteli. Fyrirtæki velja sér stað á sýningarsvæðinu og sníða bása eftir plássinu sem þeir velja sér. Þannig eru mál á básum sérsniðin fyrir hvern stað en stærðir eru í heildina ca. þeir fm sem fylgir hverri tegund samstarfsaðila hér fyrir neðan. 

Sýningarsvæðið er einungis opið fyrir skráða ráðstefnugesti UTmessunnar í þetta sinn vegna Covid-19.


PLATINUM samstarfsaðili  800.000 kr. - hámark 4 aðilar

(Platinum aðilar síðustu UTmessu hafa forgang í Platinum aðild)

Það sem er innifalið:

  • 6 miðar á ráðstefnu UTmessunnar - 4 sýningarpassar
  • Um það bil 6*2 metra sýningarpláss á besta stað
  • Nafn og lógo fyrirtækis merkt sem Platinum samstarfsaðili
  • í fréttabréfi/auglýsingu sem verður sent út amk. 2 sinnum á póstlista Ský
  • í dagskrárbæklingi ráðstefnunnar
  • Tengill á fyrirtækið á vef UTmessunnar

Það sem UTmessan vill frá Platinum aðilum:

  • Innlegg í dagskrá ráðstefnunnar með afgerandi hætti t.d. í formi erlends fyrirlesara um heit málefni í tækniheiminum
  • Útsendingar á póstlista þíns fyrirtækis s.s. viðskiptavina um UTmessuna
  • Einn fulltrúa til samstarfs í undirbúningsnefnd ráðstefnunnar

GULL samstarfsaðili  450.000 kr. 

  • 4 miðar á ráðstefnu UTmessunnar - 3 sýningarpassar
  • Um það bil 4*2 metra sýningarpláss
  • Tengill á fyrirtækið á vef UTmessunnar

SILFUR samstarfsaðili  200.000 kr. 

  • 1 miði á ráðstefnu UTmessunnar - 2 sýningarpassar
  • Um það bil 3*2 metra sýningarpláss
  • Tengill á fyrirtækið á vef UTmessunnar

SPROTAR  50.000 kr. 

  • Um það bil 1*1 metra pláss í hólfi - 2 sýningarpassar
  • Tengill á fyrirtækið á vef UTmessunnar

Umgjörð og skilyrði fyrir sýnendur:

Reikningar eru sendir út í lok mars. Greiða þarf 50% gjald ef hætt er við pöntun fyrir 1. maí 2022, eftir það er fullt gjald rukkað þó hætt sé við. Ef UTmessan hættir við að halda viðburðinn mun endurgreiðsla fara fram.

UTmessan og Ský bera enga fjárhagslega ábyrgð á skuldbindingum sýnenda fari svo að aflýsa þurfi viðburðinum.

Við biðjum sýningaraðila að hafa í huga að þetta er tæknisýning og gaman væri að sjá fleiri vera að kynna og gefa tæknidót í stað sælgætis og matar. Einnig trekkja getraunir og leikir að í básum. Viljum öll hafa sýninguna lifandi og skemmtilega. Um leið óskum við eftir að sýningaraðilar taki tillit til hvors annars og stilli hávaða í hóf og sýni fagmennsku í samskiptum við aðra sýnendur. Veitingar sem skilja eftir sig rusl svo sem popp eða hlutir sem eiga það til að leka niður væri gott að forðast enda leiðinlegt þegar t.d. popp hefur dreifst um allt húsið. Ekki er leyfilegt að vera með áfenga drykki í básunum aðra en þá sem keyptir eru af veitingadeild staðarins. Ekki er leyfilegt að eftirláta básinn til 3ja aðila.

Sendið okkur upplýsingar ef þið ætlið að bjóða uppá eitthvað skemmtilegt og við birtum það á vefnum þegar nær dregur (This email address is being protected from spambots. You need JavaScript enabled to view it.).

Sýningaraðilar þurfa að mæta sjálfir með allt í básanna svo sem stóla, borð, merkingar og annað í gólfplássið sem úthlutað er. Aðgangur að rafmagni og þráðlausu neti fylgir. Hægt er að leigja borð og annað hjá nokkrum aðilum svo sem Sýningarkerfum, Merkingu, EXTON, RECON og fleirum. Einnig eru fjölmargar prentsmiðjur sem taka að sér að prenta bæklinga og annað efni í básanna.

Af hverju að gerast samstarfsaðili?

Frábært tækifæri til að kynna þitt fyrirtæki, vörur og þjónustu fyrir stjórnendum, tæknimönnum og áhrifafólki í upplýsingatæknibransanum, nemum í tölvunarfræði og almenningi. Þetta á við um öll fyrirtæki sem eru beint eða óbeint háð upplýsingatækni og óháð markaðssvæði því tilgangurinn er að sýna tæknigeirann á Íslandi.

Óskað er sérstaklega eftir því að í sýningarbásum verði eitthvað áhugavert og skuldbinda sýningaraðilar sig til að vera með fulla viðveru á meðan á UTmessunni stendur.

Þinn ávinningur:

  • Miðar á ráðstefnu UTmessunnar
  • Sterkari tenging við aðstandendur UTmessunnar
  • Tækifæri til að hitta vini og kunningja og efla tengslanetið
  • Góð kynning á þínu fyrirtæki og hugmyndafræði
  • Taka þátt í viðburði sem hefur það markmið að sýna Íslendingum hve mikil framþróun er í tæknigeiranum
  • Tækifæri til að hafa áhrif á að ungt fólk velji sér UT sem framtíðarstarf - jafnvel þitt fyrirtæki sem framtíðarvinnustað!

UTmessan samanstendur af ráðstefnu annars vegar og sýningarsvæði hins vegar. Öll helstu tölvu- og tæknifyrirtæki landsins sýna þar nýjustu tækni og tól ásamt hugbúnaði og fleiru tengt tæknigeiranum. UTmessan er ein stærsta og glæsilegasta tæknisýning á Íslandi. Þau fyrirtæki sem eru á sýningarsvæði UTmessunnar eru í fararbroddi í tölvugeiranum óháð því hvort Ísland sé þeirra markaðssvæði eða ekki. Allir hafa sameiginlega hagsmuni af því að hvetja sem flesta til að fara í tölvutengt nám og því eru mörg fyrirtækjanna þarna einungis til að sýna að það að vinna í tölvugeiranum er mjög fjölbreytt.