Þessi síða notar kökur (e. cookies) til að auðvelda þér að vafra um vefinn.

 

 

Laugardaginn 3. febrúar kl 10-17

- ókeypis inn fyrir alla
Líf og fjör á UTmessunni í Hörpu

SÝNINGARSVÆÐI UTMESSUNNAR OPIÐ ALLAN DAGINN frá kl. 10  - 17
helstu tæknifyrirtæki og skólar sýna það nýjasta í dag
- alls kyns getraunir, keppnir og leikir í gangi, gjafir fyrir gesti og gangandi

Hér til hliðar eru upptalin öll fyrirtækin sem eru með bás á sýningarsvæðinu

eLDBORG - 2. HÆÐ: 
Vísinda-Villi verður með tæknibrellur kl. 13 og aftur kl. 15
   Vísinda Villa eða Vilhelm Anton Jónsson ætlar að gera nokkrar tilraunir og spjalla við krakka um þetta merkilega kraftaverk sem heimurinn okkar og við sjálf erum. 
    - frítt inn fyrir alla á meðan pláss er í Eldborg

Fyrirlestur Tanmay Bakshi verður sýndur á risatjaldi kl. 12 og kl. 14.
- upptaka frá aðalfyrirlesara ráðstefnu UTmessunnar, frítt inn á meðan húsrúm leyfir

ríma - 1. hæð 
Robo-keeper markmannsvélmenni
- prófaðu að skora hjá einu snöggasta vélmenni heims!

SILFURBERG (B) - 2. HÆÐ
Hönnunarkeppni véla- og iðnverkfræðinema frá kl. 12
- hægt að labba inn og út að vild á meðan á keppninni stendur
Hönnunarkeppni Háskóla Íslands er árlegur viðburður sem haldinn er af véla- og iðnaðarverkfræðnemum. Keppendur þurfa að hanna og smíða róbóta sem þurfa að leysa ýmsar þrautir á keppnisdag. Þeirri hönnun sem gengur best hlýtur fyrstu verðlaun. Origo og Marel eru bakhjarlar keppninnar ásamt UTmessunni. 

SILFURBERG (A) - 2. HÆÐ
Sjáðu og prófaðu ýmsar skemmtilegar tækninýjungar
 

Á sýningarsvæði Háskóla Íslands í Silfurbergi á laugardaginn 3. febrúar verður fjölbreyttur fróðleikur og skemmtun í boði. Hægt verður að ferðast um fjalllendi í sýndarveruleika, skapa tónlist með Wave tónlistarhringnum, sjá hvernig matur úr þrívíddarprentara verður til, ferðast um heiminn á höndunum, taka þátt í getraun sem reynir á skynfærin, sjá hvernig jarðskjálftar hafa áhrif á heimili okkar, upplifa fróðleik með Vísindasmiðjunni og skoða rafknúna kappaksturbílinn frá Team Spark.

Nánari upplýsingar: dagskrá Háskóla Íslands á UTmessunni

NORÐURLJÓS - 2. HÆÐ

Sjáðu og prófaðu ýmsar skemmtilegar tækninýjungar

Háskólinn í Reykjavík: Skema býður upp á Makey Makey, Kano tölvur og Minecraft. /sys/tur verða með tölvutæting. Tölvunar-, tækni og verkfræði deildirnar verða svo með mynstraleik, mælingar á hnébeygjum, þrívíddar módel úr þrívíddar pretnara, Prímtöluteljara og DeCP-myndleitarkerfi. Nýji formúlubíllinn verður á svæðinu og einnig verður Mælingar-og endurhæfingarkerfi við meðferð á sjúklingum með hálsskaða til sýnis

Tækniskólinn leyfir gestum að sjá og prófa

Spegill,  spegill herm þú mér: verkefni nemenda á tölvubraut – gestir geta horft í spegilinn sem breytir andliti þínu á skemmtilegan hátt.
Sigurvegari  Hönnunarkeppni verkfræðinema (2017): frá nemendum í rafeindavirkjun – sýning.
Ljósmyndaveggur: frá nemendum í Grafískri miðlun og ljósmyndun – gestir geta klætt sig upp og tekið uppstillta mynd af sér sem hinir ýmsu iðnaðarmenn.
HDC sýndarveruleikagleraugu: tölvuleikur, hannaður af nemendum í Margmiðlunarskólanum – klettaklifur sem gestir geta prófað. 

Í sýningarbásum fyrirtækja verður m.a. eftirfarandi: 

ORIGO: Ekki missa af risanum Titan, reyndu að sigra Robokeeper, klappaðu risaeðlum með gervigreind, farðu í 360 gráðu ævintýraferð um loftin blá, láttu þjarka teikna mynd af þér eða spjallaðu við mannlega vélmennið Pepper.Nánari upplýsingar

Opin kerfi: Sjáðu Fujitsu netþjón á kafi í baði, ljósin blikkandi og allt í gangi en samt undir yfirborðinu. Prófaðu retro tölvuleikin sem nördarnir okkar hafa verið að dunda sér við að smíða og forrita. Ertu hittin(n) kastaðu bolta í rennu á leikjaveggnum okkar og reyndu að vinna lítinn skemmtilegan vinning frá samstarfsaðilum okkar.

Kíktu við hjá okkur fáðu þér besta kaffið í bænum og spjallaðu við okkur um allt sem viðkemur upplýsingatækni, hver þróunin er og hvað skiptir máli að spá í um þessar mundir. Hlökkum til að sjá þig.

Sensa: Upplifðu góð samskipti í gegnum einn besta myndfundabúnað á markaðnum – þjónusta sem tengir alla saman og tryggir góða samvinnu. Teiknari sýnir listir sýnar og hver veit nema þú fáir mynd af þér!

Deloitte: IOT Prófaðu fjarstýrðan snjall-vöruflutningatrukk sem skynjar umhverfi sitt og hversu hratt og örugglega þú nærð að keyra um brautina. En mundu... vörurnar þurfa að komast heilar á leiðarenda og það eru ýmsar uppákomur á brautinni.Í básnum verðum við með sýnishorn á hvernig tölvur læra inn á umhverfi sitt og fáum innsýn í hvernig heimurinn lítur út með AR (Augmented Reality).   

HÁSKÓLI ÍSLANDS: Gakktu menntaveginn með Háskóla Íslands – sýningarbás. Fræði – Rannsóknir – Nýsköpun – Hagnýting.

Verið velkomin í sýningarbás Háskóla Íslands. Nýttu tækifærið til þess að fræðast um nám og rannsóknir sem stundaðar eru í Háskólanum. Fræðast má um tæknigreinar á borð við iðnaðarverkfræði, vélaverkfræði, tölvunarfræði, rafmagnsverkfræði  og tölvuverkfræði. Kynntu þér nýsköpun sem á sér stað í háskólasamfélaginu og hvernig nám við Háskólann styður við  hugmyndir í tækni og hvernig stuðla má að hagnýtingu þeirra fyrir samfélagið.

EXPECTUS: Verið velkomin í básinn okkar hjá Expectus þar sem þú getur prófað leikni þína í gömlum og góðum kúluspilskassa! Tæknin á bak við utanumhald um færni þína og árangur í keppninni er hins vegar nýrri af nálinni, en það er hið frábæra gagnvirka mælaborð Tableau sem heldur utan um það hvernig fólki gengur að spila leikinn. 

Tölvulistinn.   Taktu þátt í hraðaleik Tölvulistans og reyndu að vinna 40“ 4K Philips tölvuskjá að verðmæti kr. 99.995.  Hversu hratt og oft getur þú fundið vörumerki Tölvulistans á stuttum tíma ?  Skoðaðu í leiðinni 40“ skjáinn sem er í vinning sem nýtur mikilla vinsælda hjá þeim sem vilja fækka úr 2-3 skjám í einn stóran með fullkomnu vinnuplássi.  Einnig tíl sýnis Philips Signage upplýsingaskjáir.  

 

Kóder tengir ávexti við Makey Makey á laugardaginn og leyfir börnunum að spila á ávaxtahljóðfæri. Hver vill ekki spila lag með peru, epli, sítrónu og banana? Auk þess munum við bjóða upp á kennaraepli og kóderkrítar. 

 

 

Hvað er UTmessan?

UTmessan er einn stærsti viðburður ársins í tölvugeiranum og hefur verið haldin árlega frá árinu 2011. Tilgangurinn er ekki síst til að sýna almenningi hversu stór og umfangsmikil þessi grein er orðin hér á landi. Á UTmessuna mæta öll helstu tölvu- og tæknifyrirtæki landsins og taka þátt með einum eða öðrum hætti og hvetja þannig fólk til að kynna sér um hvað tölvuiðnaðurinn snýst.  

UTmessan skiptist í tvo daga:

Föstudagur: Ráðstefna og sýning um það helsta sem er að gerast í tölvugeiranum. 

Laugardagur: Þar sýna öll helstu tölvu- og tæknifyrirtæki landsins það sem þau hafa fram að færa á sérstakri tölvusýningu.

 

Fyrir hverja?

Föstudagur: Ráðstefnudagur og sýning ætluð fagfólki um upplýsingatækni svo sem þá sem starfa í eða við tölvumál eða hafa brennandi áhuga á þeim. 

Skrá þarf þátttöku á ráðstefnuna sérstaklega í gegnum þar til gert skráningarform og er þátttökugjaldi stillt í hóf.

Laugardagur: Sýningin er ætluð öllum sem vilja sjá hvað tölvugeirinn hefur upp á að bjóða. Ný tækni, þrautir, kynningar og leikir verða í gangi á sýningarsvæðinu sem hentar öllum aldri. Ýmis verkefni verða kynnt í ráðstefnusölum og hefur hönnunarkeppni HÍ verið hluti af UTmessunni síðustu ár. Skemmtun við allra hæfi fyrir alla.

Aðgangur að sýningardegi UTmessunnar er ókeypis og eru ungir sem aldnir hvattir til að mæta og sjá framtíðina með berum augum.  

Af hverju UTmessan?

UTmessan hefur fest sig í sessi sem einn helsti vettvangur fyrirlestra, umræðna, skoðanaskipta og nýjunga í tölvugeiranum á Íslandi og endurspeglar mikilvægi tölvutækninnar í daglegu lífi okkar allra. Þar er jafnframt að finna umfangsmikið og fjölbreytt sýningarsvæði þar sem öll helstu tölvu- og tæknifyrirtæki landsins sýna framtíðina í tækjum og vörum sem ætíð vekja mikla athygli og er fjölsótt. Á síðustu árum hefur UTmessan í auknum mæli orðið sá staður þar sem íslenskir og erlendir sérfræðingar kynna það helsta í þessum geira og endurspeglar hún þann fjölbreytileika, framþróun og möguleika sem upplýsingatæknin býr yfir.

Nemendum í þessum greinum hefur fjölgað umtalsvert hér á landi á síðustu árum enda hefur UTmessan, sem einn fjölsóttasti atburður sinnar tegundar hér á landi, sýnt fram á hversu fjölbreytt starfssviðið er, atvinnumöguleikar góðir og að það hentar öllum, óháð kyni.