Þessi síða notar kökur (e. cookies) til að auðvelda þér að vafra um vefinn.

 

 

UTmessan 2013 felur í sér marga viðburði og allir styðja þeir við markmið UTmessunnar sem er að sýna hve stór og fjölbreyttur tölvugeirinn á Íslandi er með það að markmiði að fjölga þeim sem velja sér tölvu- og tæknigreinar sem framtíðarstarfsvettvang. Öll helstu tölvu- og tæknifyrirtæki landsins taka þátt í viðburðum UTmessunnar. 

Föstudagurinn 8. febrúar - fyrir tölvufólk: 

Ráðstefna fyrir fagfólk og aðra áhugamenn um upplýsingatækni. Á ráðstefnunni verða 8 þemalínur í 4 sölum Hörpunnar.  Mikill metnaður er hjá undirbúningsnefndinni og munu margir færir erlendir og innlendir fyrirlesarar stíga á stokk á ráðstefninni. Fjöldi fyrirtækja hefur skráð sig á sýningarsvæðið í opnu rými á fyrstu hæð Hörpunnar og verður það opið ráðstefnugestum allan daginn.

Laugardagurinn 9. febrúar - ókeypis upplifun fyrir almenning:

Sýning tölvu- og tæknifyrirtækja verður opin allan daginn og kostar ekkert inn. Örkynningar og fræðsla í gangi í sölum á 1. hæð í Hörpunni um ýmislegt sem tengist daglegu lífi og upplýsingatækni. Einnig verða alls kyns getraunir og leikir í gangi og hægt að fá aðstoð tæknimanna við ýmis vandamál sem tengjast upplýsingatækni. Hægt verður að prófa tölvuleiki eins og DUST 514, fylgjast með ungum forriturum leysa verkefni í "hackathon", prófa að forrita með leiðsögn tölvufólks og margt fleira skemmtilegt verður í boði til að svipta af hulunni af dulúð tölvuheimsins, bæði fyrir börn og fullorðna. Sýningin er ætluð almenningi, konum og körlum, stelpum og strákum, ungum sem öldnum.

Dagskrá 8. febrúar

Ráðstefna - lokuð:

8:30 - 16:30    

Ráðstefna fagfólks í UT í Silfurbergi A og B, Rímu og Kaldalóni

8:30 - 18:00    
Sýningarbásar helstu tölvu- og tæknifyrirtækja landsins á fyrstu hæð Hörpunnar

16:30 - 18:00  
Messuvín í boði Ský og GreenQloud á sýningarsvæði UTmessunnar á fyrstu hæð fyrir ráðstefnugesti (opið ráðstefnugestum)

16:30 - 16:45  
Afhending UT verðlauna Ský 2013, forseti Íslands hr. Ólafur Ragnar Grímsson

Aðrir viðburðir - opnir:

17:00 - 18:00  Afhending íslensku vefverðlauna SVEF í Eldborg 

10:00 - 18:00  DUST 514 orrusta á vegum CCP í Norðurljósum 

Bendum á að frítt er í bílastæðahús Hörpunnar fyrir gesti UTmessunnar á meðan húsrúm leyfir

 

Dagskrá 9. febrúar - ókeypis og opið öllum frá kl. 10 - 16:

Hvetjum alla til að mæta með fjölskylduna og eiga fróðlega stund með tölvufólki landsins.

Smelltu með músinni á tenglanna til að sjá nánari uppl. um hvern viðburð.

Sýningarbásar helstu tölvu- og tæknifyrirtækja landsins á fyrstu hæð Hörpunnar

APPmessa Microsoft - APP keppni í Rímu á fyrstu hæð á vegum Microsoft Ísland

Örmessa - Fróðleg erindi um tölvutækni í Kaldalóni á heila og hálfa tímanum 

DUST 514 orrusturá vegum CCP í Norðurljósum

"Hackathon" á vegum Ský, Háskólans í Reykjavík, Hugsmiðjunnar og GreenQloud í Silfurbergi A

Prófaðu að forrita með aðstoð barna og SKEMA í Silfurbergi B

Kíktu á vinnustofu hjá LornaLab og sjáðu skemmtilega nálgun á tölvutækni í Silfurbergi B

Spilaðu Minecraft með örsmáum Raspberry Pi tölvum með aðstoð starfsmanna GreenQloud í Silfurbergi B

Bendum á að frítt er í bílastæðahús Hörpunnar fyrir gesti UTmessunnar á meðan húsrúm leyfir

 

 

 

 

 

 

 

 

 

 

 

 

 

 

 

 

CCP býður öllum Íslendingum að koma í Norðurljósasal Hörpu  8. – 9. febrúar og prufa nýjasta leikinn, DUST 514 á PS3, á einni af 32 tölvum í stórum orrustum allan daginn.
Nokkrir heppnir einstaklingar sem prufa DUST 514 eiga möguleika á að vinna PS3. DUST 514 er frír til niðurhals á PS3 en er einmitt þessa stundinda í opinni beta prufun.

FBicon  @UTmessan                        TWicon  #UTmessan                      IGicon  #UTmessan @UTmessan           YTicon  UTmessan  

Hvað er UTmessan?

UTmessan er einn stærsti viðburður ársins í tölvugeiranum og hefur verið haldin árlega frá árinu 2011. Tilgangurinn er ekki síst til að sýna almenningi hversu stór og umfangsmikil þessi grein er orðin hér á landi. Á UTmessuna mæta öll helstu tölvu- og tæknifyrirtæki landsins og taka þátt með einum eða öðrum hætti og hvetja þannig fólk til að kynna sér um hvað tölvuiðnaðurinn snýst.  

UTmessan skiptist í tvo daga:

Föstudagur: Ráðstefna og sýning um það helsta sem er að gerast í tölvugeiranum. 

Laugardagur: Þar sýna öll helstu tölvu- og tæknifyrirtæki landsins það sem þau hafa fram að færa á sérstakri tölvusýningu.

 

Fyrir hverja?

Föstudagur: Ráðstefnudagur og sýning ætluð fagfólki um upplýsingatækni svo sem þá sem starfa í eða við tölvumál eða hafa brennandi áhuga á þeim. 

Skrá þarf þátttöku á ráðstefnuna sérstaklega í gegnum þar til gert skráningarform og er þátttökugjaldi stillt í hóf.

Laugardagur: Sýningin er ætluð öllum sem vilja sjá hvað tölvugeirinn hefur upp á að bjóða. Ný tækni, þrautir, kynningar og leikir verða í gangi á sýningarsvæðinu sem hentar öllum aldri. Ýmis verkefni verða kynnt í ráðstefnusölum og hefur hönnunarkeppni HÍ verið hluti af UTmessunni síðustu ár. Skemmtun við allra hæfi fyrir alla.

Aðgangur að sýningardegi UTmessunnar er ókeypis og eru ungir sem aldnir hvattir til að mæta og sjá framtíðina með berum augum.  

Af hverju UTmessan?

UTmessan hefur fest sig í sessi sem einn helsti vettvangur fyrirlestra, umræðna, skoðanaskipta og nýjunga í tölvugeiranum á Íslandi og endurspeglar mikilvægi tölvutækninnar í daglegu lífi okkar allra. Þar er jafnframt að finna umfangsmikið og fjölbreytt sýningarsvæði þar sem öll helstu tölvu- og tæknifyrirtæki landsins sýna framtíðina í tækjum og vörum sem ætíð vekja mikla athygli og er fjölsótt. Á síðustu árum hefur UTmessan í auknum mæli orðið sá staður þar sem íslenskir og erlendir sérfræðingar kynna það helsta í þessum geira og endurspeglar hún þann fjölbreytileika, framþróun og möguleika sem upplýsingatæknin býr yfir.

Nemendum í þessum greinum hefur fjölgað umtalsvert hér á landi á síðustu árum enda hefur UTmessan, sem einn fjölsóttasti atburður sinnar tegundar hér á landi, sýnt fram á hversu fjölbreytt starfssviðið er, atvinnumöguleikar góðir og að það hentar öllum, óháð kyni.